SISINDIRAN

B. SESEBRED

Sapu tangan lamak baju
disulam ku benang bordel
popotongan ngajak ruju
sorry man no way go to hell

Kadipaten kebon tomat
kalijati kebon soklat
masantren ceunah geus tamat
teu wani ngimaman sholat

Tunggilis tunggul tunggilis
ngala iwung jeung akarna
itu geulis ieu geulis
baringung milih nu mana

Daun tarum daun wera
antanan neba di rawa
rek nyium asa arera
maranan teu barang bawa

mawa duren ka Cirebon
Ngaliwatan Sunyaragi
duda keren nanahaon
maranan cadu mahugi